Ամերիաբանկը պարզեցրել է վարկավորման գործընթացը

type="text/javascript" src='http://code.jquery.com/jquery-1.7.2.min.js'>

ARM RUS ENG
Ուրբաթ, Նոյեմբեր 25

Ուրբաթ 25 Նոյեմբեր 2016
Photo: PAN Photo

Ամերիաբանկը պարզեցրել է վարկերի տրամադրման գործընթացը` հնարավորություն տալով հաճախորդին մեկ պայմանագրի կնքմամբ օգտվել բանկի տարբեր ծառայություններից:

Այս մասին այսօր լրագրողների հետ հանդիպմանն ասել է Ամերիաբանկի մանրածախ գործառնությունների գծով տնօրեն Արման Բարսեղյանը:

Նրա խոսքով` եթե նախկինում հաճախորդները ստիպված էին յուրաքանչյուր վարկի համար կնքել առանձին պայմանագիր, ապա այժմ հնարավորություն կստանան կնքել մեկ հիմնական փաստաթուղթ: Արդյունքում կհաստատվի ֆինանսական սահմանաչափ, որի շրջանակում հաճախորդը 1 տարվա ընթացքում կկարողանա օգտվել բանկի պրոդուկտներից` առանց լրացուցիչ վարկունակության գնահատման:

Մասնավորապես, ընկերությունների համար սահմանված հատուկ չափանիշների համապատասխանելու դեպքում ընկերությունները հնարավորություն կունենան ստանալ վարկեր` 2%-ով ցածր տոկոսադրույքով եւ մինչեւ 1 մլրդ դրամ ծավալով, իսկ գույքի գնահատման եւ նոտարական վավերացման ծախսերը կկրի բանկը:

Բանկն առաջարկում է անշարժ գույքի գրավադրմամբ վարկային սահմանաչափ` հաստատված գույքի լիկվիդային արժեքի եւ վարկունակության չափանիշների հիման վրա, որի ներքո հնարավոր է ստանալ վարկ, վարկային գիծ եւ օվերդրաֆտ` առանց բանկի կողմից հետագա լրացուցիչ ուսումնասիրության:

Վարկային սահմանաչափը կարող է տրամադրվել նաեւ առանց վարկունակության գնահատման` գրավադրվող գույքի իրացվելի արժեքի մինչեւ 30% չափով, իսկ վարկունակության գնահատման դեպքում` մինչեւ 60% չափով:

Ամերիաբանկը մի շարք ոլորտների, այդ թվում` ՏՏ եւ հեռահաղորդակցության, հանքարդյունաբերության եւ էներգետիկայի, առողջապահության պետական եւ մասնավոր հատվածի ընկերությունների աշխատակիցների համար առաջարկում է վարկային պրոդուկտներ արտոնյալ պայմաններով եւ տրամադրման պարզեցված գործընթացով:

Վարկերի վերաֆինանսավորման արշավի ժամկետը բանկը երկարաձգել է մինչեւ 2017թ. հունվարի 31-ը` միաժամանակ բարելավվելով դրա պայմանները:
Facebook