Լիբանանյան ընկերությունը մտադիր է ՀՀ-ում կենցաղային տեխնիկա արտադրել

Լիբանանյան AC Holding ընկերությունը հետաքրքրված է Հայաստանում կենցաղային տեխնիկայի արտադրությամբ։

Այս մտադրության մասին ընկերության բիզնեսի զարգացման գծով տնօրենն ասել է այսօր Երեւանում ՀՀ տնտեսական զարգացման եւ ներդրումների նախարար Սուրեն Կարայանի հետ հանդիպման

ժամանակ:

«Շատ ուրախ եմ, որ Բեյրութում մեր վերջին հանդիպումից հետո այսօր Ձեզ արդեն Երեւանում եմ տեսնում։ Լիահույս եմ, որ կշարունակենք մեր գործնական քայլերը այս ներդրումային ծրագրի իրականացման ուղղությամբ»,- ասել է Սուրեն Կարայանը:

Նախարարի խոսքով՝ ՀՀ կառավարությունը պատրաստ է օժանդակել ծրագրի իրականացմանը:

Կազմակերպության ներկայացուցիչը նշել է, որ ավարտին են մոտեցել տարածքի ձեռքբերման աշխատանքները։ Ավարտական փուլում են նաեւ կազմակերպության կողմից իրականացվող ուսումնասիրությունները՝ ներդրումային ծրագրի իրականացման հաջորդ քայլերին անցնելու համար։