Սուբսիդավորվող գյուղվարկեր կտրամադրի նաեւ «Կամուրջ» ՈՒՎԿ-ն

ծրագրերի իրականացման գրասենյակ» պետական հիմնարկի գյուղական ֆինանսավորման կառույցի տնօրենի ժամանակավոր պաշտոնակատար Վահե Հարությունյանը եւ «Կամուրջ» ՈՒՎԿ–ի գլխավոր գործադիր տնօրենի տեղակալ Արփինե Արշակյանը:

««Կամուրջ» ՈՒՎԿ-ն թվով 4-րդ ֆինանսական կառույցն է, որը ցանկություն է հայտնել միանալ ծրագրին: Բանակցություններ են ընթանում նաեւ այլ կազմակերպությունների հետ: Որքան շատ ֆինանսական կառույցներ միանան ծրագրին, այնքան մեծ կլինի մրցակցությունը, եւ ֆերմերները կկարողանան ընտրել իրենց գործընկեր կառույցին»,- նշել է Ռոբերտ Մակարյանը:

Փոխնախարարը հավելել է, որ մարզերում ակտիվորեն ընթանում են հավաստագրման դասընթացները, 1600 ֆերմերներ հավաստագրվել են, արդեն կան նաեւ ծրագրից օգտված վարկառուներ:

Վահե Հարությունյանն էլ նկատել է, որ վարկերի շեմի բարձրացումը հնարավորություն է տալիս գյուղացիական տնտեսություններին կապիտալ ծախսեր կատարել եւ ավելի մեծ թափով զարգացնել իրենց տնտեսությունները, իսկ ծրագրում մեծ թվով ֆինանսական կառույցների ներգրավումը հնարավոր է դարձնում աշխարհագրական առումով ընդլայնել տարածքները՝ գյուղացիական տնտեսությունների համար առավել հասանելի դարձնելով վարկային այդ պրոդուկտը:

«Գյուղատնտեսության վարկավորումը մեզ համար նոր քայլ չէ: Միանում ենք նաեւ այս ծրագրին, որպեսզի կարողանանք էլ ավելի լայն շրջանակների էլ ավելի լավ պայմաններով սպասարկել»,- նշել է Արփինե Արշակյանը:

Նա տեղեկացրել է, որ հավաստագրեր ստացած գյուղացիական տնտեսություններն արդեն կարող են դիմել ՈՒՎԿ-ի գրասենյակներ (ներկայացված են բոլոր մարզերում)՝ սուբսիդավորվող վարկեր ստանալու համար:

Ծրագրի շրջանակում գյուղացիական տնտեսություններին տրամադրվում են 3-10 մլն դրամ գումարի չափով, տարեկան 5% տոկոսադրույքով վարկեր, սոցիալական աջակցություն ստացող սահմանամերձ համայնքների եւ գյուղատնտեսական կոոպերատիվների համար տոկոսադրույքը կազմում է 3%: Պոտենցիալ շահառուները ծրագրից օգտվելու համար պետք է պարտադիր ուսուցում անցնեն Գյուղատնտեսության զարգացման հիմնադրամի մարզային կառույցներում եւ ստանան հավաստագիր, ինչն էլ իրավունք կտա դիմել ֆինանսական կառույցներին: